ఆదికాండము 10

Gen 10:1  ఇది నోవహు కుమారుడగు షేము హాము యాపె తను వారి వంశావళి. జలప్రళయము తరువాత వారికి కుమారులు పుట్టిరి.
Gen 10:2  యాపెతు కుమారులు గోమెరు మాగోగు మాదయి యావాను తుబాలు మెషెకు తీరసు అనువారు.
Gen 10:3  గోమెరు కుమారులు అష్కనజు రీఫతు తోగర్మా అనువారు.
Gen 10:4  యావాను కుమారులు ఏలీషా తర్షీషు కిత్తీము దాదోనీము అనువారు.
Gen 10:5  వీరినుండి సముద్ర తీరమందుండిన జనములు వ్యాపించెను. వారివారి జాతుల ప్రకారము, వారివారి భాషలప్రకారము, వారివారి వంశముల ప్రకారము, ఆ యా దేశములలో వారు వేరైపోయిరి.
Gen 10:6  హాము కుమారులు కూషు మిస్రాయిము పూతు కనాను అనువారు.
Gen 10:7  కూషు కుమారులు సెబా హవీలా సబ్తా రాయమా సబ్తకా అనువారు. రాయమా కుమారులు షేబ దదాను అనువారు.
Gen 10:8  కూషు నిమ్రోదును కనెను. అతడు భూమిమీద పరాక్రమశాలియై యుండుటకు ఆరంభించెను.
Gen 10:9  అతడు యెహోవాయెదుట పరాక్రమముగల వేటగాడు. కాబట్టియెహోవా యెదుట పరాక్రమముగల వేటగాడైన నిమ్రోదువలె అను లోకోక్తికలదు.
Gen 10:10  షీనారు దేశములోని బాబెలు ఎరెకు అక్కదు కల్నే అను పట్టణములు అతని రాజ్యమునకు మొదలు.
Gen 10:11  ఆ దేశములోనుండి అష్షూరుకు బయలుదేరి వెళ్లి నీనెవెను రహోబోతీరును కాలహును
Gen 10:12  నీనెవెకును కాలహుకును మధ్యనున్న రెసెనును కట్టించెను; ఇదే ఆ మహా పట్ట ణము.
Gen 10:13  మిస్రాయిము లూదీయులను అనామీయులను లెహాబీయులను నప్తుహీయులను
Gen 10:14  పత్రుసీయులను కస్లూ హీయులను కఫ్తోరీయులను కనెను. ఫిలిష్తీయులు కస్లూ హీయులలోనుండి వచ్చిన వారు.
Gen 10:15  కనాను తన ప్రథమ కుమారుడగు సీదోనును హేతును యెబూసీయులను అమోరీయులను గిర్గాషీయులను
Gen 10:16  హివ్వీయులను అర్కీయులను సినీయులను
Gen 10:17  అర్వాదీయు లను సెమారీయులను హమాతీయులను కనెను.
Gen 10:18  తరువాత కనానీయుల వంశములు వ్యాపించెను.
Gen 10:19  కనానీయుల సరిహద్దు సీదోనునుండి గెరారుకు వెళ్లు మార్గములో గాజా వరకును, సొదొమ గొమొఱ్ఱా అద్మా సెబోయిము లకు వెళ్లు మార్గములో లాషావరకును ఉన్నది.
Gen 10:20  వీరు తమతమ వంశముల ప్రకారము తమతమ భాషల ప్రకారము తమతమ దేశములనుబట్టియు జాతులను బట్టియు హాము కుమారులు.
Gen 10:21  మరియు ఏబెరుయొక్క కుమారులందరికి పితరుడును, పెద్దవాడయిన యాపెతు సహోదరుడునగు షేముకు కూడ సంతానము పుట్టెను.
Gen 10:22  షేము కుమారులు ఏలాము అష్షూరు అర్పక్షదు లూదు అరామను వారు.
Gen 10:23  అరాము కుమారులు ఊజు హూలు గెతెరు మాషనువారు.
Gen 10:24  అర్పక్షదు షేలహును కనెను. షేలహు ఏబెరును కనెను.
Gen 10:25  ఏబెరుకు ఇద్దరు కుమారులు పుట్టిరి. వారిలో ఒకనిపేరు పెలెగు, ఏలయనగా అతని దినములలో భూమి దేశములుగా విభాగింపబడెను. అతని సహోదరుని పేరు యొక్తాను.
Gen 10:26  యొక్తాను అల్మోదాదును షెలపును హసర్మా వెతును యెరహును
Gen 10:27  హదోరమును ఊజాలును దిక్లాను
Gen 10:28  ఓబాలును అబీమాయెలును షేబను
Gen 10:29  ఓఫీరును హవీలాను యోబాబును కనెను. వీరందరు యొక్తాను కుమారులు.
Gen 10:30  మేషానుండి సపారాకు వెళ్లు మార్గములోని తూర్పు కొండలు వారి నివాసస్థలము.
Gen 10:31  వీరు తమతమ వంశముల ప్రకారము తమతమ భాషలప్రకారము తమతమ దేశ ములనుబట్టియు తమతమ జాతులనుబట్టియు షేము కుమారులు.
Gen 10:32  వారివారి జనములలో వారివారి సంతతుల ప్రకారము, నోవహు కుమారుల వంశములు ఇవే. జలప్రవాహము గతించిన తరువాత వీరిలోనుండి జనములు భూమిమీద వ్యాపించెను.